பாராளுமன்றத் தேர்தல்கள் 2015 யாழ்ப்பாணம், திருகோணமலை தேர்தல் மாவட்ட ஆசனங்கள் பற்றிய ஒரு புள்ளிவிபரவியல் கணிப்பீடு

நாட்டின் பொதுத்தேர்தலுக்கு இன்னும் ஒரு மாதம் உள்ள நிலையில் எம்முடைய தமிழ் மக்கள் கூடுதலாக வாழும் வடக்கு,கிழக்கு மாகாணங்களில் கடந்த கால( அண்மைக்கால) தேர்தல்களின் அடிப்படையில் கட்சிகள் பெறக்கூடிய ஆசனங்கள் பற்றிய ஒரு புள்ளிவிபரவியல் கணிப்பீடே இதுவாகும்.இதில் வட மாகாணத்தின் யாழ்ப்பாண தேர்தல் மாவட்டமும் கிழக்கு மாகணத்தின் திருகோணமலை தேர்தல் மாவட்டமும் உள்ளடக்கப்பட்டுள்ளன. இந்த கருத்துக் கணிப்பு இவ்வருடம் ஜனவரிமாதம் இடம்பெற்ற ஜனாதிபதி தேர்தல் 2012 இல் இடம்பெற்ற கிழக்கு மாகாணசபை தேர்தல் மற்றும் 2013 இல் இடம்பெற்ற வடமாகாண சபை தேர்தல் என்பவற்றை அடிப்படையாகக் கொண்டு தயாரிக்கப்பட்டதாகும்.

யாழ்ப்பாண தேர்தல் மாவட்டம்

இதில் யாழ்ப்பாணம், கிளிநொச்சி ஆகிய மாவட்டங்கள் அடங்குகின்றன மொத்தமாக 11 தேர்தல் தொகுதிகளை உள்ளடக்கியுள்ள இம் மாவட்டத்தில் இம்முறை தமிழ் தேசிய கூட்டமைப்பு , தமிழ் தேசிய மக்கள் முன்னணி, ஈபீடீபி ,  நல்லாட்சிக்கான ஐக்கிய தேசிய முன்னணி,  ஐக்கிய மக்கள் சுதந்திரக் கூட்டணி ஆகியன பிரதான கட்சிகளாக போட்டியிடுகின்றன.கடந்த பாராளுமன்ற தேர்தலுடன் ஒப்பிடும் போது மாவட்ட சனத்தொகையில் ஏற்பட்ட வீழ்ச்சி காரணமாக ஏற்கனவே 9 பாராளுமன்ற உறுப்பினர்களாக காணப்பட்ட ஒதுக்கீடு ஏழாக குறைவடைந்துள்ளது. 2013 ம் ஆண்டில் இடம்பெற்ற மாகாண சபை தேர்தலில் பிரதான கட்சிகளான தமிழ் தேசிய கூட்டமைப்பும் ஐக்கிய மக்கள் சுதந்திர முன்னணியும் பெற்ற வாக்குகள் கீழே காட்டப்பட்டுள்ளன.

Division	TNA	UPFA
Kayts	8,917	4164
Vaddukkoddai	23,442	3763
Kankesanturai	19,596	4048
Manipay	28,210	3898
Kopay	26,467	4386
Udupiddy Polling Division	18,855	2425
Point Pedro	17,719	2953
Chavakachcheri	22,922	4193
Nallur	23,733	2651
Jaffna	16421	2416
Postal	7,625	1099
Kilinochi	36,323	7737
Postal	756	160
Total	250,986	43,893

இதன் அடிப்படையில் ஏறத்தாள மொத்த வாக்குகள் மொத்தமாக காணப்படக்கூடிய மூன்று இலட்சம் வாக்குகளில் சுமார் இரண்டரை இலட்சம் வாக்குகளை தமிழ் தேசிய கூட்டமைப்பு பெற்றுள்ளது.

இதே நேரம் இவ்வருடம் இடம்பெற்ற ஜனாதிபதி தேர்தலில் இரண்டு பிரதான வாக்காளர்கள் பெற்ற வாக்குகளை எடுத்து நோக்குவோமேயானால் அது பின்வருமாறு காணப்படுகிறது.

Polling Division	Electors	MR	MS
Postal		4607	10885
KAYTS	21,763	5,959	8,144
VADDUKKODDAI	46,416	7,791	20,873
KAN KESANTU RAI	62,371	5,705	18,729
MANIPAY	53,488	7,225	26,958
KOPAY	54,844	6,211	27,161
UDUPIDDY	38,945	3,937	18,137
POINT PEDRO	35,686	4,213	17,388
CHAVAKACHCHERI	50,494	5,599	23,520
NALLUR	45,248	5,405	24,929
JAFFNA	32,269	4,502	17,994
KILINOCHCHI	75,465	13300	38856
Total	516,989	74454	253574

தமிழ் தேசிய கூட்டமைப்பின் வாக்குகள் மாறாத நிலையில் சுமார் 25000 வாக்குகள் மேலதிகமாக ஐக்கிய மக்கள் சுதந்திர கூட்டமைப்புக்கு கிடைத்துள்ளன.

இந்நிலையில் ஜனாதிபதி தேர்தலில் வாக்களித்த அதே எண்ணிக்கையிலான மக்கள் இத் தேர்தலிலும் வாக்களிப்பார்கள் எனக் கொண்டால் மொத்த வாக்குகள் அண்ணளவாக 325000 ஆக அமையும் எனவே இதனை ஒரு ஆசனத்துக்கு பிரிக்கும் போது ( மொத்த ஆசனங்களில் ஒன்றை கழித்து வரும் தொகை) அது 54166 ஆக அமையும் இந்நிலையில் ஐக்கிய மக்கள் சுதந்திர கூட்டமைபின் வாக்குகளில் பெரும்பாலான வாக்குகள் இம்முறை ஈபீடீபிக்கு கிடைக்கும் கடந்த முறை 75000 வாக்குகளை பெற உதவிய அரச சொத்துக்கள்,அரச ஊடகங்கள் ஆகியவற்றின் உதவி இம்முறை கிடைக்காத நிலையில் ஒரே ஒரு ஆசனத்தினை இம்முறை ஈபீடீபி பெற்றுக்கொள்ள முடியும் என எதிர்பார்க்கப்படுகிறது. எனவே போனஸ் தவிர்ந்த மீதியுள்ள ஐந்து ஆசனங்களையும் தமிழ் தேசிய கூட்டமைப்பு கைப்பற்ற முடியுமா என்றால் அது நிச்சயம் முடியாத ஒன்றாகும் மாகாண சபை தேர்தலில் போட்டியிடாத தமிழ் , தமிழ் தேசிய மக்கள் முன்னணி இத் தேர்தலில் ஒரு பலம் வாய்ந்த சக்தியாக போட்டி இடுகிறது  இதனை விட கடந்த தேர்தலில் ஐக்கிய மக்கள் சுதந்திர கூட்டமைபிடம் இருந்த அரச சொத்து ஊடக பலம் இம்முறை நல்லாட்சிக்கான ஐக்கிய தேசிய முன்னணிக்கு கிட்டியுள்ளது எது எப்படி இருப்பினும் இந்நிலையில் இம்முறை பிரதான போட்டி தமிழ் தேசிய கூட்டமைப்பு , தமிழ் தேசிய மக்கள் முன்னணி ஆகிய கட்சிகளுக்கு இடையே தான் யாழ்ப்பாணத்தில் இடம்பெறவுள்ளது.

அந்த வகையில் ஈபீடீபி ஒரு ஆசனத்தினை பெற தமிழ் தேசிய கூட்டமைப்பு 4 அல்லது மூன்று  ஆசனங்களை கைப்பற்ற மீதியுள்ள ஆசனங்கள்   தமிழ் தேசிய மக்கள் முன்னணிக்கு கிடைக்கும் சில சமயம் நல்லாட்சிக்கான ஐக்கிய தேசிய முன்னணி ஒரு ஆசனத்தினை கைப்பற்ற முடியும். அந்த அடிப்படையில் யாழ்ப்பாண தேர்தல் மாவட்ட ஆசான்கள் இவ்வாறு அமையும்.

கட்சி	ஆசனங்கள்
தமிழ் தேசிய கூட்டமைப்பு	4 / 3
தமிழ் தேசிய மக்கள் முன்னணி	2 /1
ஈபீடீபி	1
நல்லாட்சிக்கான ஐக்கிய தேசிய முன்னணி	1 / 0

திருகோணமலை  தேர்தல் மாவட்டம்

 திருகோணமலை  தேர்தல் மாவட்டத்தில்  ஐக்கிய மக்கள் சுதந்திரக் கூட்டணி, தமிழ் தேசிய கூட்டமைப்பு , நல்லாட்சிக்கான ஐக்கிய தேசிய முன்னணி என்பன திருகோணமலையில்  பிரதான கட்சிகளாக போட்டியிடுகின்றன. இலங்கை பாராளுமன்ற தேர்தல்களில் ஒதுக்கப்படும் குறைவான ஆசனங்களான நான்கு ஆசனங்களையும் இந்த நான்கு கட்சிகளும் எவ்வாறு பங்கிட்டு கொள்ளும். என பார்ப்போம்.

2012 ல் இடம்பெற்ற மாகாண சபை தேர்தலில் ஐக்கிய மக்கள் சுதந்திரக் கூட்டணி, தமிழ் தேசிய கூட்டமைப்பு  ஸ்ரீலங்கா முஸ்லிம் காங்கிரஸ்  விமல் வீரவம்சவின் தேசிய சுதந்திர முன்னணி என்பன  போட்டியிட்டு ஆசனங்களை பெற்றுக்கொண்டன அந்த வகையில் இம்முறை விமல் வீரவம்சவின் கட்சியானது  ஐக்கிய மக்கள் சுதந்திரக் கூட்டணியிலும் முஸ்லீம் காங்கிரஸ்  நல்லாட்சிக்கான ஐக்கிய தேசிய முன்னணியிலும் இடம்பெறுகிறதால் அந்த கட்சியின் வாக்குகளையும் சேர்த்து கட்சிகள் பெற்ற வாக்குகள் பின்வருமாறு காணப்படுகிறது. ஏறத்தாள 150000 வாக்காளர்கள் இதில் வாக்களித்து இருக்கிறார்கள்.

Division	TNA	UPFA,NFP	UNP,SLMC
Seruwila	5014	24,235	9538
Trincomalee	28,067	9,476	11621
Mutur	10,213	13,511	26935
Postal	1,102	5,634	2521
Total	44396	52856	50615

இதன்படி மூன்று கட்சிகளும் ஏறத்தாழ ஒரே அளவு வாக்குகளை பெற்றுள்ளன இதே நேரம் இம்முறை இடம்பெற்ற ஜனாதிபதி தேர்தலில் இரண்டு பிரதான வேட்பாளரும் பெற்ற வாக்குகள் பின்வருமாறு காணப்படுகின்றன.

Polling Division	Electors	MR	MS
Postal		6,207	8,327
SERUWILA	72,728	26,716	24,833
TRINCOMALEE	85,535	12,056	49,650
MUTUR	93,427	7132	57532
Total	251,690	52111	140342

மாகாண சபை தேர்தலில் ஐக்கிய மக்கள் சுதந்திர முன்னணியில் இருந்த கே.டி.எஸ். குணவர்த்தனவும் அனைத்து முஸ்லீம் கட்சிகளும் ஒன்றாக  மைத்திரிபால சிறிசேனவுக்கு ஆதரவு வழங்கியமை காரணமாக அவரது வாக்கு அதிகரித்ததேயொழிய ஐக்கிய மக்கள் சுதந்திர முன்னணியின் வாக்கு வங்கிக்கு எந்தவிதமான பாதிப்பும் ஏற்படவில்லை  எனிலும் சேருவல தொகுதியில் ஏறத்தாள 80000  வாக்குகள்  கே.டி.எஸ். குணவர்த்தன காரணமாக அதிகரித்துள்ளது. வாக்களித்த    மொத்த வாக்காளர்களின் எண்ணிக்கை ஏறத்தாழ 190000 என கொண்டால் ஒரு ஆசனத்துக்கு 63000 வாக்குகள் தேவை எனவே எந்த கட்சியும் இதனை பெற முடியாத நிலையில் சிங்கள முஸ்லீம் வாக்குகள் காரணமாக நல்லாட்சிக்கான ஐக்கிய தேசிய முன்னணிக்கே போனஸ் ஆசனத்தினை கைப்பற்றக்கூடிய சந்தர்ப்பம் காணப்படுகிறது. அந்த வகையில் கட்சிகள் பெற்ற வாக்குகளுக்கு அமைய மாவட்ட ஆசன பட்டியல் இவ்வாறு காணப்படலாம் .

கட்சி	ஆசனங்கள்
நல்லாட்சிக்கான ஐக்கிய தேசிய முன்னணி	2
தமிழ் தேசிய கூட்டமைப்பு	1
ஐக்கிய மக்கள் சுதந்திர கூட்டமைப்பு	1